Feliz día da Inmaculada!

O pasado domingo comezabamos o tempo de Advento, un tempo de espera onde os cristiáns nos preparamos para o nacemento de Xesús. Namentres agardamos o momento, no colexio, demos as grazas á Virxe María, quen se preparou para traer a Xesús ao mundo e así devolvernos a esperanza. Durante a celebración colexial tivemos a oportunidade de agradecer e transformar os nosos desexos en compromisos, para que sexan luz para os demais. Rematamos a xornada festiva coa tradicional chocolatada, organizada polo grupo ALCOR, que puidemos desfrutar toda a Comunidade Educativa.