Bo Nadal!

O Nadal é un tempo de esperanza e bos desexos, como os que puidemos gozar durante a celebración do Belén Vivente que compartimos toda a Comunidade Educativa. No noso xa tradicional Belén puidemos cantar, bailar e festexar o nacemento do neno Xesús cheos de alegría e en familia.

Grazas ao labor da ANPA desfrutamos da visita das Súas Maxestades, os Reis Magos, que recolleron as cartas dos alumnos máis pequenos e foron atendendo as diferentes peticións dos alumnos máis maiores. Pero isto non foi todo, uns Elfos moi xoguetóns viñeron ao colexio para repartir a súa maxia a través dunha representación itinerante moi divertida.

Festa e diversión acompañaron toda a xornada festiva. Só nos queda agradecer toda a acollida e implicación da Comunidade Educativa e desexarvos unhas felices festas.